Monday, December 31, 2012

నడిచినదంతా వసంతమే



పాచిక నువ్వే 
విసిరుంటావ్  

నీ గుండె ధైర్యానికి 
మృత్యువు మురిసి పోయింది 

నా చిన్ననాటి చెలికాడా 
శివ శివ రాజ రాజా శివరాజా..

సూర్యునికి ముఖం లేదు 
ఈ పూట తో ఈ సంవత్సరమూ 
నీతో పాటు  కాలి మసవుతుంది 

జ్ఞాపకాల్లో ప్రాణం పోసుకుంటావు
బతికిన జాడలన్నీ 
సతత హరితంగా చిగుళ్ళు తొడుగుతాయి

నా గుండె మీద 
అంటుకుపోయిన ఆలింగనం
కామంచి సైకిల్ తొక్కుడం నేర్పుతుంది 

నువ్వు జేబు నిండా తెచ్చిచ్చిన 
రేగు పండ్ల తియ్యని కాలం 
మళ్ళీ కోసుకొస్తావా...!

పరుగు పందెం లో 
ముందుకు పోయావు మిత్రుడా!
సెలవు సెలవు .

ఈ ప్రపంచం నుంచి 
నువ్వేం నేర్చుకున్నావో తెలియదు కాని 
నీ నుంచి తెలుసుకున్నది మాత్రం 
కమ్మని స్నేహం .

  .....

Sunday, December 30, 2012

మనుషులు రేపే తుఫాను

తైలవర్ణ చిత్రమై 
జ్ఞాపకం పరుచుకున్న 
ఉచ్వాస నిశ్వాస మధ్య 
శుభ్ర లిప్త సమయాన్ని 
నీకిస్తున్నా ...

నిశ్శబ్ద సమయాల్లో 
సూర్యున్ని పూసుకున్న ప్రకృతి 
ఎర్రెర్రగా ...
నా గుండెల మీద చిగురిస్తున్నది 

ఒడ్డున ఉన్న నన్ను 
ఆలోచనల సేలయేరొకటి కొట్టుకు పోయి 
దిబ్బలా విసిరిన సమయాలు 
కరుకు గా కుచ్చుకుంటున్నాయి 

దూది కన్నుల్లోంచి 
పిండిన కొద్దీ దుఃఖం 
తడుస్తున్న దేహం 
ఆవిరి సెగల మౌనం తో 
దీనంగా పలకరిస్తున్నది 

ఆకలి పేగుల బంధాలు 
తరతరాల కాలాన్ని చుట్టుకొని 
బతికిన ఆనవాళ్ళని 
బందించి  ఆగిపోయిన 
కమలిన రాత్రి కలవరపెడుతున్నది

సజీవంగా ఉన్న సకలం  
స్పర్శ కల్గి ,
ప్రశ్నల్నిమర్మంగా 
నరాల్లో మెలికలు పెడుతున్నాయి 

మనసు చుట్టూతా పొంగిపోతున్న 
సముద్రం.


Sunday, December 16, 2012

స్వభాష 1


ఈ ప్రపంచం ఇట్లా సాగకుండా ఆగదు.దాని పుట్టుక నీకు అంతు పట్టనట్టే ఎట్లా దొర్లుతుందో మాత్రం తెలుసుకునే తాపత్రయం వదులు.మనం ఇక్కడ గుండెలలో గుండెల్ని వెలిగించుకుంటూ మనసు నిండా మార్మోగుతున్న భజంత్రీల సాక్షిగా అణువణువును ఆలింగనం చేసుకుంటూ, అడ్డదిడ్డంగా బుద్దిని బెత్తం నీడన సవరించుకుంటూ బండి గిల్లను అనుకరించక తప్పదు .దూరాలను చేరుకోవటం ఏమీ ఉండదు.నీ దగ్గర కొచ్చేదే నిలువు అడ్డంగా చీల్చినా ,తర్కించినా మిగిలేది క్షణమే ...ఇంకా విభాగించినా ఆ క్షణ కణమే.నీ సంచీ ఖాళీ చేసుకో,మున్దేముందో పదునుకు నేర్పు .పనికిరాని ఆవరణలో లేని దుమ్ము నిండిన వాక్యాల్ని శుభ్రపరుచుకో .పరిమళపు నవ్వుల్నీ ఆశ లేకుండా ఆస్వాదించే మనసు గదుల్ని శుభ్రం చేసుకో.

ఆనందుడా...!

ప్రాణాన్ని వెన్నెల తో తడుపు.


ఇంకొంచెం



ఊపిరి నిండా పరిమళపు
వెల్లువ ఉప్పొంగనీ 


కన్నుల్లోపలికి కనిపించని 
మార్దవ వాతావరణాన్ని ఇంకించుకోనీ 


కలతల వ్యవధి దాచిన 
కన్నీటి తలాన్ని నిద్రించనీ 


గరుకు  గుణాంతర భ్రమల్ని 
వేళ్ళ నుండి తుడిపేయనీ 


కడుపునిండా తడి మూలాల్ని 
ఉన్నదున్నట్టు ప్రేమించనీ 


చెరసాలల మందాల్ని 
గుడ్డి గునపాలతో నైనా సరే  ఛేదించనీ 

ఆకర్షించనీ 

భూమి నిండా పొదిగిన కాంక్షను 
పరిణతి రంధ్రాలలోంచి జారనీ 

మనసు నొదిలిన అంగాల కుతిని
భయంగా కాంక్షించనీ  


అతి విలువైన దేహాడంబరాల్ని 
మినరల్ నదుల్లో కడగనీ 

రంగు రంగు ల చీకటిని 
గొంతు నిండా దాచుకోనీ 

పసి కణాలు కదులుతున్న 
దారి తెగులు తొలగించనీ 

మౌనం వెనకాల దాగిన అనేక 
కాక్టస్ కలల గొంతు నులమనీ 

ప్రియురాలా...!
ఇంకొంచెం దుఃఖించనీ 

   .....

Saturday, December 15, 2012

నా సెలయేరు హృదయం .....35


సందర్భాలు నీతోనో నాతోనో
ప్రాణం పోసుకుంటాయి 


ప్రేమను చుట్టిన ఆలోచనల్ని 
ఆనందంగా దిగంతాలకు ఎగరేయవచ్చు 


నన్ను చేరని వాక్యం 
నీదగ్గర పదిలమే కదా...!

ఈ మసకలోకానికి 
ప్రసంగాల పనెక్కువ 
ప్రియురాలా ...!
నీ సమయానికి వందనం.

     .....

Friday, December 14, 2012

2442



ఎటు చదివినా 
దుఃఖ పు తలరాత ఒకటే 

ప్రతిబింబానికి 
మనసు తెలుసు 

రెట్టింపు కలలు 
నాట్యం చేసుకుంటూ 
ప్రతిమలౌతాయి 

నీ మనసు కోసం 
ఆవిరౌతున్న 
నా లోపలి ఊహల గాలి 

ఎవరు కలుపుతారు 
రహదారుల్ని?

మెరుపుల చుట్టూతా 
చీకటి కుట్టినారు 

అసలు మాట్లాడుతున్నది 
అద్దం నిశ్శబ్ధం .

Wednesday, December 12, 2012

‎12.12.12



ఎక్కడ కనబడతావో?

నన్ను నీలో కనుక్కుంటా ...

నీ వెంట తిరిగే సమయమూ నాదే

నీ శబ్దం శృతి లయల కోరికతో హోయలకాంతి ని పూసింది

నా అనాధ ఊహలు నిన్ను చేరలేవు

నా నవ్వుల దిక్కులు శుభ్రం

అక్షరాల చందమామా...

.....

Tuesday, December 11, 2012

మనసు నురగల ఆవిరి



నక్షత్రాల మధ్య 
మినుకు మినుకుమన్నది చీకటి 

మనసు గా మారిన రాత్రి 

ఎన్నాళ్ళ కెన్నాల్లకో 
బొంగరంలా తిరిగి తిరిగిన ప్రేమ 
కంట పూసింది 

జీవితం మాట్లాడే భాషకి 
నీవు పలికే అర్ధానికి 
ఎప్పుడూ పొంతన కుదరదు 

మోహ మూలంతో 
కరిగిన గుండె ఆనవాలు దొరకదు 


ఒకటి తర్వాత ఒకటి 
కుడురు కుంటాయనుకుంటే పొరపాటే 
కాసేపు నిలబడదాం 
దేవుడి కై వరుసలో ఒంటరిగా .


కనీస మర్యాదలు కూడా నోచుకోని 
వయసు వేసే ప్రశ్నలకి 
ఎక్కడ వెతుకుతున్నావో !


త్వరగా 
త్వర త్వరగా 
ఆకలిని కూడా మన్నించు 
భయాన్ని నిద్రలేపకు 


మనసు స్పర్శకు అంబరం తెలుసు 
కానీ ...కన్నీటిలో 
ఓలలాడుతుంటది 


ఫుట్ పాత్ కి అవమానం లేదు 
పూల రుతువు వెన్నువెంట 
ధైర్యంగా పూస్తుంది .


     .....

Thursday, December 6, 2012

నా సెలయేరు హృదయం .....34



ఏవి కొలవటానికైనా 
అనేక కొలమానాలున్నాయి 


నేనెంత దూరమో 
నా మనసు నెట్లా కొలిచేది 


ఉన్నపళంగా నీదగ్గ రుంటూ 
నా లోపలుంటాను 


ఈ మసక లోకానికి 
కొలతల మీద కోరికెక్కువ 
ప్రియురాలా ...!
కొలబద్దల్లేని కోర్కె నిండాలి .

      .....
6.12.2012.

నా సెలయేరు హృదయం .....33



అలలు కోరికలయ్యాయి 
తడి తోడైంది 


ఆకాశం నెలవు కాదు 
నెలవంక మాత్రం గుండె వీడదు 


కళ్ళనిండా ప్రకృతి 
పాట పాడుకుంటుంది 


ఈ మసక లోకానికి 
ఇదేమి అలవాటో...
ప్రియురాలా ...!
నా ఒంటరి గుండెని తవ్వుతుంటది .

     .....




Wednesday, December 5, 2012

ఈ వేళలో .....3



అనుకోకుండా వేళ్ళ సందుల్లోంచి 
మెతుకులు జారి పడ్డట్టు... క్షణాలు,
పట్టుకునే లోపే 
చిక్కకుండా చిక్కబడి 
జ్ఞాపకంగా ఘనీభ విస్తూ ...


నీకోసం రావాల్సిన ,కాకపొతే పాడాల్సిన 
రాగం దయతో మన్నించమనే 
ఏ వాతావరణపు రద్దీ లోనో 
ఒంటరైందేమో...


ఒక ఉత్తేజిత మననం 
శ్వాస గా మారి 
వాయు సంతకమై 
నీ వాకిటి మొక్కల చుట్టూ వలయంగా...


ధ్యాస లో నీవున్నావా?
ధ్యాసగా మారావా?

    .....

Tuesday, December 4, 2012

ఈ వేళలో .....2



కొన్ని బిగపట్టుకుంటున్న
శ్వాస ల్లో నువ్వుంటున్నావు 

గాలి మోసుకొచ్చేప్రతి సమయము 
నీ స్పర్శ లోనే పులకిస్తుంది 

మానసిక రహదారులన్నీ 
శుభ్రంగా నీ వైపుకే జారి ఉన్నాయి 

ఎప్పుడో గాని అసత్యం పిండదశ 
తొలగించుకోక తప్పదు 

అకాలం అసలుండదు 
ఎన్ని చెప్పినా చీకటికి 
కొంత సమయముంటుంది ...
అదే దాని ఆయువు .

వెనుదిరిగి చూసుకోక తప్పనప్పుడు 
వాదనల చెదలు చేసేపని 
తెలియనిది కాదు.

ఏమోలే!
అన్నీ సూత్రాలలో చిక్కవు 
అసలు చిక్కులన్నీ సూత్రాలనుంచే ...

తప్పులు కూడా దృష్టి మార్చు కుంటాయి 
మూడో కన్నె ప్పుడూ 
మెడ పొడవు చేసుకొని 
మెదులుతుంటుంది ,
మనం జాగ్రత్తగా దాన్ని ముయ్యాలి 
లేదా 
మన కంటి చుక్కల నైనా 
నిరపాయంగా ప్రేమించాలి 

ఆకలి మీద ఆన 
సత్యానికి అనేక వ్యాఖ్యానాలుండవు .

       .....
4.12.2012.

ఈ వేళలో .....1



రాత్రుళ్ళు వేసే ప్రశ్నలకి 
పగళ్ళు వెనకాడతాయి.
కాకపోతే మౌనంగా 
సూర్యున్ని నేట్టేస్తాయి 


సమాధానమొక సముద్రం లోపలి 
అలజడే అయితే 
లోలోపల కుతకుత లాడటమే 
విస్ఫోటనం కంటే మేలు 


నీవు ఎన్ని సముద్రాల కలయికో?
తెలియకనా.....కవీ!
కంటి తడినైనా తోడుగా ఉండనీ ...


బహుళ ప్రేమల్లో 
కలకలల వెలుగుల్లో 
మెదలక పోతేనేమి?
అక్షరాల వెంట 
చలనం ఉంటుంది 
అది నీ ఆత్మ సారమే.

     .....

Wednesday, November 28, 2012

నా సెలయేరు హృదయం .....32



మా వేప చెట్టు కూడా 
వెన్నెల్ని పూసిందీవేళ 


నువ్వొస్తే ,తొంగిచూస్తే 
తులసి పరిమళానికీ పండగే 


ఎన్ని సార్లు వచ్చినా  నీ లెక్కనే  
కార్తీకం రాత్రి 


ఈ మసక లోకానికి 
రోజూ నిద్రే ,మనకెందుకు 
ప్రియురాలా ...!
నీకు వెన్నెలకి అభేద మెలా చెప్పను.



నా సెలయేరు హృదయం .....31




నిన్ను తులా భారం వేస్తా 
నీ చెవుల చెక్కిళ్ళు మారుస్తా ఈ రోజు 


కళ్ళు దోసిళ్ళు చేసుకో 
మనసు గోడల్ని తుడుచుకో 


సమయాన్ని జారనివ్వకు 
మాటలు మూసెయ్యి నిశ్శబ్దంగా 


ఈ మసకలోకానికి 
వెండి వెన్నెల్లో తడవటం తెలియదు 
ప్రియురాలా ...!
కార్తీకపు వెన్నెల్లో తెలికౌదాం రా...

     .....

Tuesday, November 27, 2012

నా సెలయేరు హృదయం .....30



కథలు కథలు గా మనుషులు 
కలిసి పోతారు 


నమ్మకాలను చెక్కుకుంటూ 
కాలం దోర్లిస్తారు 


గుట్టును మింగుకుంటూ 
గుడ్లు తేలేస్తారు 


ఈ మసక లోకానికి 
వచ్చిన పని తెలియదు 
ప్రియురాలా ...!
ఈ రాత్రిని అలంకరించు ప్రేమతో.

    .....

నా సెలయేరు హృదయం .....29



భయం నిండా కొమ్ములు 
ఐనా హత్తుకుంటావు 


పిరికితనానికి పీలికల రంగులు 
ఐనా మురిపిస్తావు 


ఆశకు ఒళ్ళంతా తూట్లు 
ఐనా ప్రయత్నిస్తూనే ఉంటావు 


ఈ మసక లోకానికి 
ఏది ఎంత అవసరమో తెలియదు 
ప్రియురాలా ...!
ఈ రాత్రి వెన్నెల వెలిగించు .

        .....


నా సెలయేరు హృదయం .....28




తేదీలు వెంటపడవు 
గడియారం శరీరం మీద తేలదు 


కిటికీ లోంచి జ్ఞానం తీసుకోవు 
దండెం మీద ఆరవు 


కడుపుకు అర్ధం కావు 
కన్నీళ్ళకు జోల పాడవు 



ఈ మసక లోకానికి 
కాసుల గోలే సుప్రభాతం 
ప్రియురాలా ...!
ఎంకన్న కు గుండుగీయటం ఎంత తేలికో...!

       .....

నా సెలయేరు హృదయం .....27



మౌనం ముచ్చటగా 
నీ వెంట పడుతుంది 


ధ్వనిలో నీవు 
కాలుష్యానికి హత్తుకుంటావు 


సాలె గూడులో నువ్వున్నావా?
నీలో అది ఉందా!...


ఈ మసక లోకానికి 
ఏది ఎక్కడ ఉండాలో తెలియదు 
ప్రియురాలా...!
ఈ రాత్రికి ఆనందం తినిపించు.

      .....

సైటోప్లాసం లో ఈత



రహస్యపు మొలకలు 
కాంతి వత్సరాల దూరపు ప్రేమ 
ఇప్పటిది మిథ్యే అయితే 
రాగల జన్మల స్థానం సర్దుబాటు ఎటు?


నరలోకమే అన్నిలోకాలకు ఉనికి 
ఆకలిని జయించట మే 
ప్రపంచ యుద్ధ ఫలితం 
రెండింటి మధ్య నలిగి పోయే దివ్యత్వం 


ఏమ్ ముఖం పెట్టుకొని బతకాలి 
మనదేమీ లేనప్పుడు...
పశువులు పొర్లాడినట్టే  
జీవితమంతా మురికి .

       .....

క(కా)వికలం



అగరొత్తుల పొగ పెట్టాలి 
ధూపం ,దీపం నైవేద్యం 
మంచి నెయ్యి సమర్పించాలి 
హాహాకారాలతో అభిమానంతో 
స్తోత్రాలు జై కొట్టాలి 
లేదంటే కనికరింపుకు 
కంటి చూపు తక్కువ.


పంచ రసాలు లేకుండా 
పకడ్బందీ పాయసం 
ఉడికీ ఉడకని రుచితో 
ఆకాశం తో సహా అన్ని దిక్కులకీ 
పంచగల సమర్ధత తో 
నీటి పుణ్య గతులకు 
లాగే శక్తికేం తక్కువ ?


శతాంశాల,సహస్రాంశాల పొగరు కూడా 
ఒక్కోసారి పొలికేకలు పెట్టి 
కీర్తి మీద రంకె ముద్రలు అద్దుకుంటూ 
కొత్త ముఖ చిత్రాన్ని 
త్రీడీ టెక్నాలజీ తో 
ఖండానికో తెలివిని 
ఆశ్చర్యం లో ఓలలాడిస్తూనే ఉంటది .


ఎటొచ్చీ జ్ఞానమో,మేధావితనమో  
ఒంటి రెక్క పూవులా వెలవెల పోకుండా 
రంగు రంగుల దేశ దేశాల దుస్తులతో 
ఆహార్యంతో ,ద్రువాల చలి గడ్డల్ని 
విసర్జించక పొతే 
కాన్వాస్ మీద వెలవెల పోక తప్పదని 
లోలోపల కుత కుతకి 
ఎవడ్నో ఒకడ్ని 
మంటల్లో వేయించక తప్పదు.


శుభం తధాస్తు .


తలలు శుభ్రం చేసుకోక  తప్పదు  
అక్షింతలు పట్టుకొని 
సిద్ధమైన లోపలి మేధావుల కోసం.

      .....

నా సెలయేరు హృదయం .....26


వెన్నెల గుణం
తెలుపొకటే అనుకున్నావా?

కటువైన మధువుకు
మత్తు మాత్రమే గుణమనుకున్నావా?

నిన్ను చేరవేయడానికి
నిచ్చెనగా నిలబడతాయవినాకు


ఈ మసక లోకానికి
ప్రియ గుణాలు వృధా...వృధా...
ప్రియురాలా...!
ఈ రాత్రిని అలంకరించు.

.....

Monday, November 12, 2012

కలవరం



ఏవి ఎక్కడుంటాయో 
ఎవరికీ తెలియదు 


పుచ్చు అవయవాలు కూడా 
ఒక్కోసారి ఎదురొస్తాయి 


అంతమేరకే అంగం తొలగించి 
హత్తుకొని దాచుకోవాల్సిందే 


మనుషుల గురించి 
అవయవాలక్కూడా ఏమీ తెలియదు 


దుఃఖాన్ని తొడుక్కున్న మనసు 
కన్నీటితో చల్లబడక ముందు 
అగ్నిపర్వత గర్భం తలనిమురుతుంది 


నీటికి వాసన లేదంటాం కానీ 
మలినాలు మోసుకున్నాక 
ఎదో ఒకటి కప్పుకోవాల్సిందే 


తెరలు తెరలుగా 
ఆనందాల మధ్య మెలికలతో దుఃఖం 
కుట్టుకుంటూ పోతూనే ఉంటుంది 


జీవితం ఎవరికీ పరిచయం కాదు 
దాని దారి దానిదే .

      .....

Friday, November 9, 2012

పుష్పించే కాలం



ఒక నాటి రాతిరి 
ఆమె కలలో కొచ్చింది 
కౌగిలించు కోకుండానే 
మాయమయ్యింది 


ఒక నాటి జీవితం లో 
ఆమె ఎదురొచ్చింది 
కౌగిలింత సిగ్గుపడి 
మాయమయ్యింది 


ఆమె నేను 
ఎప్పుడూ దూరంగానే ఉంటూ ...
ప్రేమే అటూ ఇటూ 
తిరిగి తిరిగి 
అలిసిపోతుంది 


రెండు జీవిత కాలాలు 
కలిసి ప్రయాణిస్తాయి .

      .....

Wednesday, October 17, 2012

జెరం,ఒళ్లునొప్పులు,క్షణం నిద్ర లేదు



వేడి వేడి పొగ 
తలకాయ దగ్గర పొగ గొట్టం లోంచి ఊదినట్టు 
వొళ్ళంతా పాకిన సెగ 


ఏ మలుపులో 
ఎవరు ఊదారో ఎట్లా తెలిసేది ?
అందరూ ఒకే రకం మనుషులు .


మనసులో నిండిన గాస్ నొప్పులు 
బరువుగా వుండే వాక్యాలు 
వాపుతో కూడిన ఓదార్పు 


పలుచని ఆప్యాయత 
కనిపించకుండా ఏదో కలిపినట్టున్నారు 
రెండు వేళ్ళ మధ్య జిగురు జిగురు 


ఎక్కడ మొదలైన వైరసో.!
ఇంటింటి సోఫాల మధ్య 
మూలుగుతూ పైకి కనిపించని ప్రశాంతత.

    .....

Monday, October 15, 2012

"ఏది నీది''


ఇక్కడికి
చూడడానికి వచ్చాం
గుర్తుంచుకోవాలి

ఏదీ లేదు నీది
నాదీ అసలుండదు
ఉన్నది ఎవరిదీ కాదు
స్థితిని పొందిన సందర్భాలు

చూడడానికి ఇబ్బందులు లేవు
కాసేపు ఆటలాడుకోవచ్చు సరదాగా!
ఉన్నదాని వెనకాల
ఏదీ లేనట్టుగా
కాసేపు అనుభవించాలి తమాషాగా

నీవు పెడ ముఖంతో
నేను వెటకారంతో
కొంతసేపు వాతావరణాన్ని
కలుషితమూ చేసుకోవచ్చు....
అవి కూడా
ఎవరికీ సంబంధించినవి కావు
దారినిండా పూసే కాగితం పూలు
హృదయంలో గుప్పుమంటాయి

నుదుటి మీది చెమట చుక్కతో
సూర్యున్ని
భూగోళం కిందికి విసరవచ్చు
పూలు వెలిగించుకున్న
చెట్ల ఆత్మ మీద
మనసును కాసేపు ఆరేసుకోవచ్చు

చుక్కల్ని నాట్యం చేయించుకుంటూ
సుఖ నిద్రలో అలసట తీర్చుకోవచ్చు

ప్రయాణంలో
కడుపొకటే
నీ వీపు మీద కూచుంటుంది
ధైర్యంగా కాళ్ళు
చేతులు తోడుంటాయి

కాసేపు దుఃఖాన్ని రానీ
అది ఊపిరాడకుండా
మూటైతే కట్టదు
దూది పింజను చేసి
గాల్లోకి విసురుతుంది

కళ్ళు కార్చే ముత్యాలు
కొంత కాలం తర్వాత నవ్విపిస్తాయి
గుర్తుందా....!
ఇక్కడివన్నీ చూడడానికి వచ్చామని!!

హాయిగా తల కింద
చేతులు పెట్టుకొని
కాలు మీద కాలేసుకో
ఆకాశం వంక చూస్తూ
నీ కనుపాపల్లో
నిండినదంతా తడుముకో

ఆ సమయం నీది
- డా.పులిపాటి గురుస్వామి
98488 87904

Tuesday, October 9, 2012

దిష్టి


ఉన్నదున్నట్టుగా చూడవు 

చుట్టూ ప్రదక్షిణలు చేసి 
మూసుకున్న కోణం నుంచి,
ఇంతకు ముందే ముడుచుకున్న స్థానం లోంచి 
వ్యాఖ్యానాలు పెట్టుకొని 
నిర్ధారణకు నిలబడతావు.

ఉన్నదానికి 
హఠాత్తు గా దూరం జరిగి ,
ఇంకా లేకపోతే ...
దాని బాల్యంలో 
అప్పుడప్పుడే పొడుచుకొస్తున్న ,లేదా 
తడ బడుతున్న సందర్భాన్ని 
ఆపాదించుకుంటూ 
మనసులో కలవని 
నిలవని అపరిచితాన్ని విసురుతావు .

ఉన్నదానికి 
దాని లో లోతుల్లోకి పోయి 
సూక్ష్మ సూక్ష్మపరమాణువుల చెంత 
దాన్ని పీలికలు చేసి 
ఒక్క లక్షణమూ సరిపోదని 
నిర్వచనాలనే 
నిందలోకి కూల్చేస్తావు.

ఉన్నదున్నట్టుగా చూడవు .

దాని చుట్టూ కొంత 
గుగ్గిలం పొగ ధూపం వేసి 
చిటుకు చిటుకు మంటూ 
చిటపట లాడుతున్నపుడు 
ఇక దాని స్వభావం గురించి 
రంకెలు మొదలౌతాయి .


దాన్ని కొంచెం 
కారం దినుసులతో 
పిండి, పిసికి 
రుచికి దోరగా వేయించి 
నిగ నిగ అవాస్తవాన్ని 
అప్పటి స్వభావాన్ని తూకం వేస్తావు.


ఉన్నదున్నట్టుగా చూడవు


తలుపు చాటుగా వంకరగా చూస్తావు 
చెవుల మాటుగా వింటావు 
వెనక నుండి ముందు భాగాన్ని 
నిర్వచిస్తావు .
కింద చూసి పై భాగాన్ని 
అంచనా ఫ్రేం కడతావు 

నీ దగ్గరికొచ్చిన అబద్దానికే 
ఫాషన్ కలర్స్ గుడ్డలు వేసి 
రంగుల మేకప్పుతో 
ఉన్నదిదేనని నమ్మిస్తావు.
దానికి కొన్ని మాటలు నేర్పి 
తన స్వభావాన్ని తనే నమ్మలేని 
సందిగ్ధం లో చిత్రపటం వేసి విసిరేస్తావు.


ఉన్నదున్నట్టుగా చూడవు


దాని వెనకాల ఏముందో....?
కనిపించకుండా పోయిన 
గతాన్ని గోళ్ళతో గీకి 
కాకపోతే ఆ కాలం మీదికి గూఢచారిగా వెళ్లి 
దొరికిన ఏ విడి భాగాన్నో 
ముందు పెట్టి నమ్మేలా చూస్తావు.


అంతే,లేదా 
అదేమీ నీకు తెలియనట్టు 
అట్లాంటిది అసలు లేదని 
మొత్తం కాలానికి వకాల్తా తీసుకొని ,
ఉండే అవకాశాన్ని కూడా 
నరికి పోగులు పెట్టి,
ఖాళీ ఖాళీ గుణాలతో 
పెళుసు జ్ఞానాన్ని నిలబెడతావు.


ఉన్నదున్నట్టుగా చూడవు.

      .....




Monday, October 8, 2012

ఖాళీ తనం


అయిపొయింది 
చేరాల్సిన వారికి,
చేయాల్సిన వారికి 
చేరాయి వార్తలు 
ఎదురుచూసేవారు ఎలాగూ లేరు 
ఇక నిశ్చలనమే. 


పాత తనబ్బీ తెరవ బుద్ది కాదు 
తాతల కాలం నాటి 
జన్యువుల బొట్టుపెట్టె
నేనే దూరం చేసాను 
స్నానాన్నిప్రశ్నించే సందర్భమూ రాదు 
అలంకరించమని నొసలు కూడా అడగదు 


మడతల కిందికి పోయి 
మసిబారిన ఇద్దరు పిల్లల ప్రియురాలు 
ఈ సమయాన్ని ప్రియంగా 
వేడుకునే అవకాశమూ లేదు 


పరీక్షల్లో పూరించలేని ఖాళీల మధ్య 
చిక్కుకున్న పిల్లలు.
తర్వాత రాయాల్సిన డిక్టేషన్ 
స్పెల్లింగ్ మిస్టేక్ తో 
రెడీగా ఉన్నట్టుంది.


ఏ చెలికాడూ బాగోగుల ప్రశ్నలతో 
బయలు దేరే దాఖలా లేదు 
ఉదారపు ఊరడింపులకు 
సాపిన హృదయమూ లేదు 
ఇక ఆ కిటికీ మూసినట్టే .


ఈ రోజంతా 
కలిసి నడిచే సమయానికి 
కొంత ఊరడింపు 
న్యూస్ పేపర్ను యదావిధిగా 
పొయ్యిలో పెట్టటం మరువలేదు 


ఇక కావలసినంత మేధో హాయి
యాతన లేమి 
కంటి నిండా చేరిన 
ఒంటరి కాంతి 


అప్పుడప్పుడు 
తాబేలు తలకాయలా 
తడుముకుంటూ 
ముడుచుకుంటూ ఆకలి.
ఈ ఒక్కదాన్ని సవరిస్తే 
మిగిలిన సమయం మీద కాలేసి 
కలలు పిల్చుకోవచ్చు .


తెలిసిన ,ఉన్న 
ఒకే ఒక్క అవతారాన్ని 
ఎవరి కోసమో ఎక్కుపెట్టడం 
కుదిరేటట్టు కూడా లేదు .


అనుకోకుండా దండయాత్ర చేసే 
ఆవేశాన్ని కదిలించడం ఇష్టం లేక 
ముందే మూసిన దారులతో క్షేమమే. 


ఇక అంతా నిర్యుద్ధమే 
గడియారం చుట్టూ తిరుగుతున్న నావెంట 
నేను తిరుగుతూ.


కొన్ని అక్షరాలు మాత్రం 
మెదడు వేళ్ళల్లో 
జీవక్రియను సిద్ధం చేస్తున్న సంకేతాలు.

        .....

Saturday, October 6, 2012

వంగిన నడుము



పచ్చని చెట్టు 
జీవితకాలం ఎదగడానికి 
ఎన్ని కాలాల్ని పుష్పించాలి 
ఎన్ని ఉరుములకి 
గుండె మోగించాలి ?


గుర్రుగా లేచిన 
దురదృష్టం మాస్టారు ముందర 
ఎన్ని సార్లు 
చేతులు చాచి నిలబడాలి ?


గండు చీమల బారు 
పాకినంత మేరా 
ఆకుపచ్చ పచ్చ బొట్టులా 
ఉబికి తేలిన రక్తనాళాలు 


ఎండలకి వానలకి 
కన్నీటి చర్మాన్ని కప్పుకుంటూనే
సాగిస్తున్న నడక 
దివ్య యాత్ర .


అన్నమై ఉడికి 
రుచిని నింపుకున్న చేతుల్లేక పోతే 
బతుకు బండ మీద 
ఎపుడో మాడిపోయేవి కదా 
జీవుల పేగులన్నీ


ఇంకా తడి చావని వేర్లు 
ప్రేమ చిగుళ్ళతో 
పలకరిస్తూనే ఉంటాయి 


ఎగిరిపోయిన కువకువలు లేక 
రాత్రిని తన గుస గుసలతో 
మేల్కొలుపుతుంది 


సదా ధ్యాసతో 
తన నీడని
తారాట్లాడిన జీవులకై 
ఒంపుతూనే ఉంది 


అవును.....
ఆ వంగిపోయిన కాండం 
మా అమ్మదే.

    .....

Wednesday, October 3, 2012

వానధ్యానం


శబ్ధాలన్నీతమ తమ
బోరియల్లోకి వెళ్ళాక ,రాత్రి
రంగస్థలం మీదికి నటుడు
ప్రవేశించేముందు తెరలేచినట్టు
మెల్ల మెల్లగా...

చినుకులు చినుకులు
వాయిద్యకారులనేకమంది
ఒకే మంద్ర స్వరంతో
ఆకాశం నుండి వినిపిస్తున్న స్వర ధార

చీకటి నిశ్శబ్ధం తడిసిపోతూ
రెండు చేతులడ్డం పెట్టి
కేవలం చినుకుల లయని
మనసు చుట్టూ అల్లుకుపోతున్న సమయాన

దుప్పటికింది అవయవాలన్నీ
ముడుచుకొని ,
వెచ్చదనాన్ని కాపుకుంటూ
చెవులని కలువల్లా తెరిచి
వాన చినుకుల్ని స్పర్శిస్తూ
పక్షుల్లా నిశ్చేష్ట మై

చినుకులు చినుకులు
ఒకదానికొకటి రాసుకుంటున్న చప్పుడు
నీటి మీద నీరు పడుతున్న గలగల

ఏకాంత లయలో మనసు తడుస్తూ

మైదానంలో ఒకే ఒక తాటి చెట్టు నిలబడి
తడుస్తున్నట్టు
ఒళ్లంతా నీరు ప్రవహిస్తున్న ధ్వని

కొంత సమయానికి
చినుకుల శబ్ధమే నేనై మిగిలి.

.....

Tuesday, October 2, 2012

మలుపులు



మలుపులు లేని ప్రయాణం 
కొత్తగా ఉండదు 


ఎంత సేపని కొత్తగా నడుస్తాం 
ఎడమకో
కుడికో తిరిగితే 
కొత్త దిక్కు
మిత్రుడి వలె హత్తుకొని 
దాచిన ముచ్చట్ల మూట 
విప్పుతుంది 


ఎంతసేపని రోడ్ల వెంట 
దుమ్ముపట్టిన నగరాన్ని 
చీకొట్టుకుంటూ
వాహన కాలుష్యాన్ని తిత్తుల్లో నింపి 
ఎగపోసుకుంటూ దోర్లిస్తాం? 
ఇంటి వైపుకి తిరిగితే 
చల్లని పరిచయమైన హస్తం 
నీ ప్రేవుల నిండా ప్రేమను నింపి 
వడపోసిన శ్వాస తో వేడి వేడిగా 
నీ కలత ను కాపడం పెడుతుంది 


ఒక పొడవైన రాత్రిని 
సాగిన పగల్నికూడా 
ఆనందించ గలమో!లేదో !


కదల్లేని వృక్షాలకి కూడా 
ప్రకృతి ఆరు అనుభవాలని 
పక్షుల కచేరీతో 
పరవశం గాలితో కలిసిన 
పులకింతను పూయిస్తుంది 
అక్కడి నుండే కదా 
బాలింతరాలై జీవులకి
ప్రాణం పట్టేది 


రోజు కొంత కొంత 
కొత్తదనాన్ని ప్రకటిస్తూ 
పక్షం రోజుల్లో 
ప్రపంచ సత్యం 
వెలుతురు చీకట్లని 
నీ కంటి ముందు నిలబెట్టే 
చంద్రుడు కూడా 
మలుపెరిగిన మహాత్ముడే 


ఎక్కడికీ పోలేని తనంతో 
స్పర్శకి రాని ప్రపంచం గురించి 
ఎంత చెప్పినా రుచి కరువే 


హే ఆనందుడా...!


కొంత అనుభవం తర్వాత
తటస్థ పడే మృత్యువు కూడా 
గొప్ప మలుపే.

     .....


కడుపుల కాలితే



మనమిపుడు
కడుపులోంచి గానం
మొదలు పెట్టవచ్చు


రాత్రిని మెలిపెట్ట వచ్చు ,ఆ
కునికు పాట్లని నగరమవతలికి
నెట్టవచ్చు ,లేదా
కరగదీసి,గడ్డ కట్టించి
దాచవచ్చు

ఆరాధించ వచ్చు ,ఆ
పిలిస్తే పోగలిగిన నడక వెంట
హృదయంతో , లేదా
తలచి తలచి
కోరిక మెడపట్టి గిల్ల వచ్చు

పేల్చవచ్చు ,ఆ
కనుబొమల మీది కాంక్షని
చెరగవచ్చు ,లేదా
అనువదించి
గోడ మీద అతికించ వచ్చు

మనమిపుడు
అక్షరాల్లోంచి అగ్నిని
వదలవచ్చు

.....

Wednesday, September 19, 2012

నా సెలయేరు హృదయం.....25



బాధ నీవెంట నడుస్తుంది
నటించే బాధ వెంట నీవు నడుస్తావు

బాధ నీ మీద దయతో వెళ్ళిపోతుంది
నటించే బాధ నిన్ను ముంచేస్తుంది

బాధ స్వచ్చంగా నమ్ముతుంది
నటించే బాధను ఔషధం కూడా నమ్మదు


ఈ మసక లోకానికి
బాధలు నాటకాలౌతున్నాయి
ప్రియురాలా...!
ఈ రాత్రికి నటన రుద్దకు .

.....

నా సెలయేరు హృదయం.....24



అదనపు దారులున్న పొగడ్త 
అడ్డ దారులుంటే అతిగమ్యం

నిజం చూపివ్వని అద్దం 
నీవు కోరే గాలి వీచని పెరటి చెట్టు 

నీ గుప్పెట్లో నిలవని కాలం 
నీ కోసం పూయని కాగితం పూవు 

ఈ మసకలోకం 
ఎప్పటికి తెలుసుకుంటుందా...
ఆనందుడా...!
మనుషుల్ని భజన చేయకు .

   .....

నా సెలయేరు హృదయం.....23



బొగ్గు తినగలిగిన వాళ్ళను
క్షమించే సహనాన్ని మా కివ్వు

గ్యాస్ మంటలు పెట్టే పాలకులను
మళ్ళీ మళ్ళీ ఏలుకోమనే విజ్ఞత ని ఇవ్వు

ఎన్నేళ్ళైనా మారని బతుకుల
కాపు కాసే వారికి జేజేలు పలికే గుణాన్నివ్వు


ఈ మసక లోకానికి
ఇంతకంటే కావలిసిందేముంది
పిచ్చి విఘ్నేశా...!
ఏటేటా వచ్చి లడ్డూ వేలం వేసి పో .

.....

నా సెలయేరు హృదయం .....22


బంగారం నిగ నిగలు
మట్టి ధరించిన ఉనికి ధగ ధగలే 


సీతమ్మ నగలు 
శ్రీరాముని ముత్యాలు ఉండే ఉంటాయి 


భూమి నింపుకున్న కెంపులు 
మనుషుల చేతులు మారాయి 


ఈ మసక లోకానికి 
నవరత్నాలు తమవే ననే భ్రమ పోదు 
ఆనందుడా...!
ఒక్క గుంజెత్తు ఎవడైనా తీసుకెల్లాడా?

     .....

Monday, September 17, 2012

నా సెలయేటి హృదయం.....21



ఒకే రకంగా ఎలా పరవశిస్తాము ?
ఒకే సందర్భాన్ని 


ఒకేలా భరించలేము కూడా 
కాలుతున్న కాలాన్ని 


వేరు వేరుగానే మనసుస్పర్శ 
మురిపిస్తుంది 


ఈ మసక లోకానికి 
ఇది తెలిపేదేలా?
ప్రియురాలా...!
ఈ జ్ఞానాన్ని వదిలి వెళ్ళకు.

    .....


Friday, September 14, 2012

నా సెలయేరు హృదయం .....20



అనేక మంది రాజులు
గుర్రాల మీదుగా జారి పడ్డారు

అనేక మంది రాణులు
ఉద్యాన తోటల్లో కాలు జారారు

అనేక రాజ్యాలు సుందర మైనవి
మోచేతుల గుండా జారి పోయాయి

ఈ మసక లోకం లో
శాశ్వతానికి చిరునామా లేదు
ప్రియురాలా...!
ఈ రాత్రిని బెదరనివ్వకు.

.....

Saturday, September 8, 2012

క్వార్టర్ ప్రేమ



బలవంతంగా కోరికను విరిచి
ఆఘమేఘాల మీద ఏర్పాటు సిద్ధం చేసిన
ఆనందం ముఖం లో

సేవలందించడానికి రెండు గ్లాసులు
వేపుడు అటుకుల పప్పు
రెండు స్పూనుల కరుణ

ఉల్లిపాయల వాసన
నిమ్మ రసం లో తడిసి
చల్లని పులుపు శ్వాస గొంతులో

అరచేతిలో అడుగు భాగం హత్తుకొని
ఎక్కువ తక్కువ తూకం ఒక్కో చుక్కతో సరిపోల్చి పోసి
బుస్సు బుస్సు సోడా నీళ్ళతో నింపిన మహాద్రవం

తనివి తీరా గర్వం తడిసి పోయి
ఆనందం బుడగలు బుడగలు గా కిందికి మీదికి
ఇక ఇద్దరి చేతుల్లోడీ కొట్టిన గ్లాసుల శబ్ధం జారిపడి

మౌనంగా మొదటి గుటక
నాలుకకు తెలిసిన తిమ్మిరి తడి
మత్తు చుక్కల జారుడు బండ గొంతుక

కొన్ని కరకర లు ,సోడా బుడగల్ ఈదులాట
మత్తులోకి జారుకుంటున్న గాలి
వాడి ముఖం నిండా రక్తం పొంగిన ఆనందం

రెండవ సారి నింపుతూ 'మాట్లాడు బావా' అన్నాడు
'జీవితమంటే ఏంట్రా 'అడిగాను
క్వార్టర్ అహం,క్వార్టర్ స్వార్ధం,క్వార్టర్ మోసం ...
మిగిలింది ....క్వార్టర్ ప్రేమ బావా!

మత్తు దిగింది వెంటనే
మాటలు వెంట వచ్చాయి .

ఇది గమనించే స్థితి లోనే ఉంటే....


వచ్చే వాళ్ళు వస్తున్నారు
పోయే వాళ్ళు పోతున్నారు
ఎవరూ స్పష్టంగా దర్శన మీయరు
పై పై నీటి కింది చేపల్లా
ఎవరూ కడులుతున్నట్టు లేదు

ముసుగులు బిగుసుకు పోయి
పోరాడుతున్న ఊపిరి,
ముత్యపు గింజలు రాలుతున్న
చలిగాలి నిగ నిగల కాలాన్ని
ఎవరూ పలకరిస్తున్నట్టు లేదు

ఎదుగుతున్న కోరికలు ఎదురు తిరిగి
పసిపిల్లల వయసు ఆకాశ వీధుల్లోకి
ఊహించని స్కేటింగ్ చేస్తుంటే
అద్దం ముడతల విషాదం లో మునిగి
వాకిట్లో వాలిన వెన్నెల కిచ కిచలు
ఎవర్ని చెక్కిలిగిలి పెడ్తున్నట్టు లేదు

కాంక్రీటు ప్రేమల ఉపరితలాల మీద
వాడి పోతున్న అనుభందాల మొలకల నాడి దొరకక
కోలుకోలేని కౌగిలి వ్యసనాల మోజులో
రాత్రుళ్ళు పగళ్ళు నిద్రను మేల్కొలిపి రంగరించుకున్నా
చెమట ఆరని తృప్తిలేని బలవంతపు సజీవ యుద్ధంలో
ఎవరూ కంటి నిండా తృప్తిగా పల్కరించుకుంటున్నట్టు లేదు
మనసు మనసు తియ్యగా హత్తుకుంటున్నట్టు లేదు

వచ్చేవాళ్ళు వస్తున్నారు
పోయే వాళ్ళు పోతున్నారు
ఎవరూ స్వచ్చంగా దర్శన మీయరు
పై పై చిగురుటాకుల కదలికల్లా
ఎవరూ స్పష్టంగా శ్వాసిస్తున్నట్టు లేదు .

.....

6-9-2012

Tuesday, September 4, 2012

కాలకూటరసం



ఎప్పటికీ ఓ రహస్యం తెగని గోళాకార నివృత్తి లోంచి
బయటకు పోలేక

ఎప్పటికీ కాసిని దోసిలి నిండని ప్రేమ గింజల్ని
చప్పరించే యోగ్యతని మెప్పించలేక

ఎప్పటికీ జ్వలించే అంతర దీపాలకు
చేతుల దాపు సరిపడా చూపించలేని
నిర్వీర్యాన్ని తిరస్కరించలేక

ఎప్పటికీ లోలోపలి నరాలకి
వెలుతురు వెంట తీసుకుపోలేని
కుంటితనాన్ని భరించలేక

ఎప్పటికీ మిణుకు మిణుకు సౌందర్యపు ముఖ భాగాలను
స్పష్టంగా క్రీడించలేని వేదనని ఒప్పించలేక

ఎప్పటికీ కిటికీ కింద వేలాడుతున్న
దుఃఖపు పీలికలను
ధైర్యంగా గదిలోకి చేర్చుకోలేని
నిస్సహాయ జ్ఞానాన్ని క్షమించుకోలేక

ఎప్పటికీ శూన్యాల చుట్టూ పెనవేసుకుంటున్న
మిక్కిలి మోహ కాంతులను ఆర్పేయలేని
భార జడభావనకి ఊపిరి నింపలేక

ఎప్పటికీ పరుగెడుతున్న రధచక్రాల ప్రేమను
తిరస్కరించలేని నిమిత్త వాన్చకి భజనచేయలేక

ఎప్పటికీ
ఎప్పటికీ
నన్ను నేను చేరుకోలేని
బాహ్యాంతర మైనపు దారుల్ని
శుద్ధి చేయలేని ఆవేశ శకలాల నిశ్చలింపలేని
ప్రయత్నాల తట్టుకోలేక .

.....

4-9-2012

Monday, September 3, 2012

గుజ్జలాం ...(ట్రాన్స్ లేషన్ ) mr nauduri murty

A bowl of Gulab jamun

(There is nothing more a fascinating in the world than listening to a child’s incessant barrage of why’s and what’s, its playing smart with parents, and its utter innocence as it tries to understand the nature in all its varied hues. That brings us to memory our own childhood.
This is one of the few poems I read which impressed me most.  I would rather suggest people knowing Telugu to read the Original and just that. I must apologize as my linguistic resources did not match the beauty of the original, to present them appropriately in English.)

Daddy!

Shall I tell you a story?

Once there was a king

He had three daughters

And a son elder to them

They had a Crow for friend

Then, they get hungry

There you are, laughing!

No! I won’t tell you anymore.

*

You never stay put at home.

It would be nice if you do

Please Daddy!

I promise I won’t play in water

Complete homework properly

What is there

In all these books Daddy?

All ABCDs?

*

Are you angry?

I am sorry.

Mommy, why this man gets angry

For nothing?

*

(Addressing his sister)

Why do you pout?

What happened to you, Pachi?

Make no mischief!

No playing pranks either!

*

Why? Doesn’t that blood-sucker

Have parents, daddy?

It appears always alone on the tree.

*

Shall we play Kabaddi daddy?

Otherwise, hide and seek?

No hiding in bathrooms

or bed rooms!

*

Take this book.

You like it, isn’t it?

I love my mommy

I love you too, daddy!

*

Why should I go to school

Always by bus?

Why don’t you send me by airplane?

*

Tomorrow is my birthday

if you don’t bring me gift

I would mash you to chutney.

*

I will give you a chocolate

Go, and make merry.

And write your poems.

—————————

@Gujjalam… in childy jargon stands for Gulab Jamun, a noted south-Indian sweet delicacy.

Image Courtesy: Dr. Pulipati Guruswamy

Dr. Pulipati Guruswamy.

Dr. Pulipati Guruswamy is an Ayurvedic doctor living  in Hyderabad (Deccan).  He is a blogger since 2007 and running his blog :http://pulipatikavithvam.blogspot.in.

.

తెలుగు మూలం:

గుజ్జలాం ……(గులాబ్జాం)

దాడీ…
ఒక*టోరి చెప్పనా!…(స్టోరి)

వొక రాజుంటడంట
మూడమ్మాయిలు
పెద్దబ్బాయి
వాళ్ళ కాకి ఫ్రెండు
అయితే….ఆకలేస్తది
ఎపో.!.నువ్వు నవ్వుతున్నవ్ …చెప్ప

.
ఎప్పుడు ఇంట్ల *చుక్కోవు     (*కూర్చోవు )
వుండొచ్చు గా…
పీజ్ దాడీ
*లీల్లల్ల ఆడను                      (*నీళ్ళల్లో)
*ఓంకం మంచిగ చేస్త             (హోంవర్క్)

ఇన్ని *బుస్కులల్ల                (బుక్స్)
ఏమున్నది దాడీ
ఏబీసీడీ లేనా ?

కోoప మొచ్చిందా ?
సారీ…
ఊకె కోమ్పమెందుకు
మమ్మీ *ఈనకు…..                 (ఈయనకు)

మూతట్ల పెట్టినవ్?
ఏమైంది *పాచీ !                         (పరిచయ)
అల్ల(ర్) చేయకు
*నరకాలా!..                                (నకరాలా)

తొండకు
ఆళ్ళ మమ్మీ దాడీ లేరా?
ఎప్పుడొక్కటే చెట్టు మింద …

*బకడీ ఆడుకుందామా దాడీ              (కబడ్డీ)
పోనీ *దొక్కిచ్చుకునే ఆట                   (దొరికిచ్చుకునే)
*దాతురూమ్ల                                    (బాత్ రూంల)
*దెద్ రూంల   దాచు కోవద్దు               (బెడ్ రూంల )

ఈ బుక్కేసుకో
కమ్మగుంది కదా !
మమ్మి నాకిష్టం
నువ్వు కూడా ఇష్టం దాడీ …
ఎప్పుడు బస్సులనే
(స్)కూల్ కు పోవాలా?
*ఎంపపాల్ ల పంపొచ్చుగా….!             (ఏరోప్లేన్)
రేపు నా *బత్తుడే                                 (బర్త్ డే )
*జిక్కుటు తేక పోయావో                       (గిఫ్ట్)
ఒళ్ళు *చింత పత్తైత(ద్)                        (చింత పండు)
నీకో *చాకెటి స్తా                                   (చాక్లెట్)
పండ(గ్) చేస్కో
ఓ పోయెం రాస్కో ….

చిన్నపిల్లలు వచ్చీరాని మాటలతో అడిగే సందేహాలూ, అప్పుడప్పుడే నేర్చుకుంటున్న గడుసుతనం, వీలయినప్పుడు బెదిరించడం, లేకపోతే బ్రతిమాలుకోవడం, ఏమిచేసినా అమాయకంగా మాట్లాడడం  అందర్నీ అలరిస్తాయి. వాళ్ళు మాటాడే మాటలే కవిత్వంలా ఉంటాయి. వాటిని బాగా ఒడిసిపట్టి డాక్టర్ పులిపాటి గురుస్వామిగారు  ఈ కవితరూపంలో అందించేరు. నాకు ఈ మధ్యకాలం లో బాగా నచ్చిన కవితల్లో ఇది ఒకటి. దీన్ని చిన్నపిల్లల పరిభాషలోనే ఇంగ్లీషులోకి అనువదిద్దామని తాపత్రయపడి, సాధ్యపడక,  మామూలుగా అనువాదం చేశాను. తెలుగు తెలిసిన పాఠకులకు దీని ఆంగ్ల అనువాదం జోలికి వెళ్ళవద్దని మనవి) .
డాక్టర్ పులిపాటి గురుస్వామిగారు ఆయుర్వేద వైద్యులేగాక మంచి కవితాప్రియులు.  ఇప్పటివరకూ చాలా కవితలు వ్రాసేరు. 2007 నుండి బ్లాగులోకం లో ఉన్న వీరు తమ స్వంత బ్లాగు నడుపుతున్నారు.